Мемлекеттік көрсетілетін қызметтер туралы ақпарат

АҚПАРАТ 2018-2019 жыл

Ауыл шаруашылығы саласында субсидиялар автоматтандырылған жүйеге көшірілді

Егемендік алғаннан бергі жылдар ішінде Қазақстан Республикасы  Тұңғыш Президенті – Елбасы Н. Назарбаевтың  саясатының арқасында қоғам дамуыны­ң барлық­ саласында түбегейлі өзгерістер болды­.

Соның ішінде мемлекет­тік органдардың тиімді жүйесі мен құрылымы жасалып, мемлекет­ті басқарудың ұтымды үлгісі іске қосылды.

Қазіргі таңда заман талабына сай халықтың мемле­кет­тік қызмет түрлеріне қолжетімділігін арттыр­у бағы­тында­ игі бастамалар жүзеге асырылуда.

«Елбасы Н.Ә.Назарбаевтың «Қазақстан 2050» Стратегиясында: «Мемлекеттік қызмет көрсету – бұл еліміздің әлеуметтік-экономикалық дамуының негізгі көрсеткіші» – деп атап өткен болатын. Осыған байланысты, мемлекеттік органдар қызметінің тиімділігін арттыруға және аталған саланың дамуына басты назар аударылуда.

Мемлекеттік қызмет көрсетудің сапасы – мемлекеттік органдардың жұмысын бағалаудың басты өлшемі болып табылады.

Елбасы 2018 жылғы халыққа арнаған Жолдауында ең әуелі рұқсат беру құжаттарының тізбесін қысқарту керектігіне тоқталды. Электронды үкіметті дамыту, халықтың ком­пьютерлік сауаттылығын көтеру, халыққа қызмет көрсету орталықтарының қызметін жақсарту, сол арқылы мемлекеттік қызмет сапасын арттыру жөнінде қадау-қадау тапсырма жүктегенді. Олардың орындалуы – басты назарда. Елбасының мұндай саясаты еліміздің одан әрі өркендеуіне, халқымыздың әл-ауқатының артуына, сыбайлас жем­қорлық көріністері мен бюрократтық тосқауылдардың азаюына негіз болатыны хақ.

Яғни ендігі жерде мемлекеттік қызмет көрсету сапа­сы мемлекеттік қызметшілер жұмысы тиім­ділігінің басты көрсет­кіші.

Елбасының  айқындап берген  тапсырма, міндеттеріне сәйкес, 2013 жылдың 15 сәуір күні «Мемлекеттік көрсетілетін қызметтер туралы» Заңы қабылданды.

Қабылданған Заң  талаптары көрсетілетін мемлекеттік қызметтер бойынша жаңа көзқарастарды қалыптастырып, негізінен қызмет алушы  және азаматтардың құқықтары мен мүдделерін қорғауға бағытталған.

Осы орайда,  облыс әкімдігінің ауыл шаруашылығы басқармасы (бұдан әрі–Басқарма) «Мемлекет басшысының 2018 жылғы 5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты 2018 жылғы 11 қазандағы Қазақстан халқына Жолдауын іске асыру жөніндегі  жоспардың 84-тармағына сәйкес, яғни  мемлекеттік көрсетілетін қызметтерді 2019 жылы 80%-ға дейін, ал 2020 жылы 90%-ға дейін электрондық форматқа көшіру аясында тиісті жұмыстарды жүргізіп келеді.

Осы мақсатта, «Агроөнеркәсіптік кешен саласындағы субсидиялаумен байланысты көрсетілетін қызметтерді оңтайландыру және автоматтандыру жөніндегі» Жол картасының  аясында 2019 жылдан бастап Басқармада субсидиялаумен көрсетілетін мемлекеттік қызмет түрлері электрондық түрге көшірілді.

«Агроөнеркәсіптік кешен саласындағы субсидиялаумен байланысты көрсетілетін қызметтерді оңтайландыру және автоматтандыру жөніндегі» Жол картасының  аясында qoldau.kz ақпараттық жүйесі жұмыс істейді.

Басқарма тарапынан 2019 жылы көрсетілетін мемлекеттік қызметтердің саны – 26 (2018ж.-27), оның   ішінде, 6-ы электрондық/ қағаз түрінде, 20 – сы электрондық түрде  көрсетіледі. Ағымдағы жылдың 10 айында  – 5515 мемлекеттік көрсетілетін қызмет түрі көрсетілді (қағаз түрінде-493, электрондық түрде-5022).

Жалпы Басқрмада мемлекеттік көрсетілетін қызметтердің ішінде 6-ы  заңды тұлғаларға, 1-і жеке тұлғаға, 19-ы жеке тұлғаға және заңды тұлғаларға көрсетіледі. Мемлекеттік көрсетілетін қызметтердің 5-і ақылы, 21-і тегін түрде жүзеге асырылады.

Басқармада  жеке және заңды    тұлғаларды   қабылдауда  кедергісіз және жайлы орын үшін  1   қабатта   бейне бақылау арқылы ашық кабинет қарастырылған. Сонымен қатар, сенім телефоны. (45-42-30, 45-55-32) жұмыс жасайды.

Басқарманың ғимаратында жеке және заңды тұлғалардың өтініштеріне арналған жәшік орнатылған.  Азаматтарды жеке қабылдау бойынша Басшының және оның орынбасарларының кестесі бекітілген, сыбайлас жемқорлыққа жол бермеу және мемлекеттік көрсетілетін қызметтерді сапалы  көрсету мақсатында ғимараттың ішінде көрнекі ақпараттар орналастырылған.

Сондай-ақ, жеке және заңды тұлғалар үшін мемлекеттік көрсетілетін қызмет стандарттары мен регламенттердің дұрыстығын қамтамасыз етуде  Басқарманың ресми сайтына барлық мемлекеттік көрсетілетін қызмет регламенттері мен стандарттар  Қазақстан Республикасы нормативтік құқықтық актілерінің ақпараттық-құқықтық жүйесіне (adilet.zan.kz) сілтеме жасалынған.

Басқарма қоғаммен байланыс орнату мақсатында «Facebook» әлеуметтік желісінде https://www.facebook.com/ushtaraz/ және «Instagram» әлеуметтік желісінде @ush.zhambyl парақшаларын ашып, басқарма тарапынан атқарылып жатқан жұмыстар мен тұрғындардан түскен сұрақтарға дер кезінде жауаптар берілуде.

Мемлекеттік қызметтер көрсету барысында негізсіз бас тартулар, арыз-шағымдардың, мерзімін бұзу және ақпараттық жүйелерге қате енгізу фактілеріне жол бермеуі жөнінде тиісті мемлекеттік қызмет көрсету функциялары  жүктелген қызметкерлерге басшылық тарапынан  қатаң ескертіліп отырылады. Бұл бағыттағы жұмыстар алдағы уақыттарда да өз жалғасын табатын  болады.

Мемлекеттік көрсетілетін қызметтер туралы ақпарат

Қазақстан Республикасының Президенті Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауының тоғызыншы бағытында көзделген жемқорлықпен күрес және заңның үстемдігі, халықпен және бизнеспен қарым-қатынасты цифрландыру маңыздылығы және басқа да міндеттер, Басқарма қызметкерлеріне түсіндірілуде және тиісті жұмыстар орындалуда.

«Цифрлық Қазақстан» мемлекеттік бағдарламасы аясында, 2018 жылы бірқатар мемлекеттік қызмет түрлері электронды түрде көрсетілсе, 2019 жылы қалған мемлекеттік қызмет түрлерін көшіру жоспарланып отыр.

Басқарма тарапынан мемлекеттік корпорация арқылы және электронды түрде көрсетілетін мемлекеттік қызметтердің саны артып келеді. Қызмет берушілер мен қызмет алушылар арасындағы өзара байланыстың едәуір азайғанын көрсетеді.

Мемлекеттік қызметтер көрсету барысында негізсіз бас тартулар, арыз-шағымдардың, мерзімін бұзу және ақпараттық жүйелерге қате енгізу фактілеріне жол бермеуі жөнінде тиісті мемлекеттік қызмет көрсету функциялары жүктелген қызметкерлерге қатаң ескертілген.

Жеке және заңды тұлғаларға кеңестер беру үшін және түсіндіру жұмыстарын жүргізу үшін, ғимараттың көрнекі жерінде арнайы стенділермен жасақталып, тиісті құжаттарын толтыру үшін арнайы бейнекамера орнатылған қызмет көрсеті бұрышы белгіленген.

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің ұсынуымен, мемлекеттік көрсетілетін қызмет стандарттары мен регламенттердің дұрыстығын қамтамасыз ету мақсатында, Басқарманың ресми сайтына барлық мемлекеттік көрсетілетін қызмет регламенттері Қазақстан Республикасы нормативтік құқықтық актілерінің ақпараттық-құқықтық жүйесіндегі (adilet.zan.kz) стандарттарға сілтеме жасалынған.

Сыбайлас жемқорлық құқық бұзушылықтардың алдын алу мақсатында Басқарма қызметкерлерімен әрбір өтетін жиналыстарда ауылшаруашылығы тауарөндірушілерін субсидиялау Қағидаларанының талаптары, жеке және заңды тұлғалардың өтініштерін қарау тәртібі туралы, қаржыны тиісті мезгілде игеру және нормативтік және нормативтік емес құқықтық актілердің жобаларын тиісінше әзірлеу, басқа да мәселелер талқыланып, түсіндіру жұмыстары жүргізіліп отырады.

Басқарма қызметкерлеріне, қолданыстағы заңнамалармен белгіленген шектеулерді және Әдеп кодексінің талаптарын таныстыру шаралары тұрақты турде жүргізілуде.

Бұл бағыттағы жұмыстар бұдан әрі жалғасын табатын болады.

***

Облыс әкімдігінің ауыл шаруашылығы басқармасы (бұдан әрі-Басқарма) агроөнеркәсіптік кешен саласындағы субсидиялаумен байланысты көрсетілетін қызметтерді оңтайландыру және автоматтандыру жөніндегі Жол картасының (бұдан әрі – Жол картасы) орындалуы бойынша тиісті деңгейде жұмыстар атқаруда.

2018 жылы ауыл шаруашылы саласында 27 мемлекеттік көрсетілетін қызмет түрі көрсетілуде. («Мемлекеттік көрсетілетін қызметтер тізілімін бекіту туралы» ҚР Үкіметінің 2013 жылғы 18 қыркүйектегі № 983 қаулысына өзгерiстер мен толықтырулар енгізу туралы» ҚР Үкіметінің 2018 жылғы 3 қыркүйегіндегі № 548 қаулысымен мемлекеттік көрсетілетін қызметтер тізіліміне (әрі қарай Тізілім) өзгерістер енгізіліп, а.ж. 21 қыркүйегінен бастап жаңа редакцияда қолданысқа енгiзiлуіне орай 26). Оның ішінде, 15 мемлекеттік көрсетілетін қызмет түрлері қағаз түрінде,  12  қызмет автоматтандырылған түрде берілген болатын.

Облыс әкімдігінің ауыл шаруашылығы басқармасы (бұдан әрі–Басқарма) «Агроөнеркәсіптік кешен саласындағы субсидиялаумен байланысты көрсетілетін қызметтерді оңтайландыру және автоматтандыру жөніндегі» Жол картасының аясында Басқарма тарапынан 2019 жылы көрсетілетін мемлекеттік қызметтердің ішінде, 2-і  қағаз түрінде, 24 -і электрондық түрде берілетін болады. Мемлекеттік көрсетілетін қызметтердің ішінде   6-ы  заңды тұлғаларға, 1-і жеке тұлғаға, 19-ы жеке тұлғаға және заңды тұлғаларға көрсетіледі. Мемлекеттік көрсетілетін қызметтердің 5-і ақылы, 21-і тегін түрде жүзеге асырылады

Egov